الأحد، 2 مارس، 2008

رحلة الي حارة اليهود

ايه ياعم هو في رحلة لحارة اليهود
انا خد نفسي ورحت حارة اليهود ودي كده قرب الموسكي موازية ليه لو رايح بالعربية مش هتعرف تدخلها الا من ناحية الخرنفش وعشان كده انا رحت من هناك عشان معرفتش ادخلها من الزحمة اللي في الموسكي ومم الشابوري كله بالورقة والقلم عشان مغلطش في الكلام طبعا مكانش معايا عربية بس برده معرفتش ادخلها ع رجليا من الزحمة دخلتها من عند الخرنفش زي الناس ما قالتلي تخش من الخرنفش تسي حارة زويلة تدخل من خميس العدس وده الاسم الرسمي لاول حوداية في حارة اليهود او متخش منها تلاقي بيت قديم ع شمالك كله نجم داود ع الباب ع الحيطان وده جزء من المبني تحود يمين تلاقي نجمة داود في وشك تسأل الناس يقولولك عيد الناصر كان ساكن ف البيت ده وقال ايه عشان كده طردهم من مصر اصلهم كان ارفينه عشان كان عليه ايجار متاخر المتعة الحقيقية لما توصل حته اسمها خان ابو طقية تحس انك رجعت القرن التمنتاشر البيوت كلها عبارة عن وكالات وكالة كذا و وكالة مزا
وكل حاجة تلاقيها ىهناك من اول الولاعات ولعب الصين لغاية الذهب والصاغة
تسال ع اي حاجة تلاقي ميت واحد يدلك معرفش التعاون ده ليه يمكن عشان كلهم مولعين جوانات حشيش ومشين في الشارع عادي يعني ما احنا اكيد في مصر وممكن يعزم عليك بنفغس بيقولوا الحكومة متقدرش تدخل عندهم ع فكرة مردوش يبيعولي احسن اطلع كده ولا كده عاوز خد واجبك وخلاص او ممكن يكونوا افتكروني صحفي عشان الورق لا مفيش كاميرا
تهت بعيد عنك لحد معرفت اوصل لمعبد من اللي هناك ناس تقولي في تلات معابد وناس اتقولي اربعة بس الصراحة ماشفتش اي حاجة ولا شكله اصلا معبد مش زي بتاع احمد سعيد خالص سألت هناك قالولي ان العائلات الكبيرة هناك اخدت المعابد وضع يد وزبنت فيها عمارات ورش وعشان كده انت متقدرش تشوف من المعبد غير العسكريين اللي قاعدين يشربوا شاي بيحرصوا ايه معرفش
نصيحة مترحش هناك مش هتلاقي حاجة تشوفها
امال ايه اللي ةوداني انا
امممم كنت بدور ع المتعة المفقودة في الاماكن اللي لسه فيها طابع قديم
الصراحة انا كنت في الحسين ورجلي حدفتني هناك روح الحسين احسن