الخميس، 26 أبريل 2012

لا قواعد في الحب

تلك الحكم و النصائح المستمدة من الاخرين في الحب كلها كاذبة لا تصدق اي قاعدة و لا تعمل باي منها ،هم لا يتعمدون الكذب او قد يتعمدون ، يقدمون نصائح انت طلبتها منهم ، هم يعطونك رؤيتهم ، خبراتهم الخاصة اذا كانوا صادقين ، او يضلوك ان كانوا كاذبين فقط لا تتبع الا بما يتوافق معك ، قد تخسر قد تكسب / لكن المهم الا تخسر نفسك ،
الالعاب و الحيل و الاختبارات ، تري هل اثارة الغيرة تفلح لمعرفة انها تحبك ، تري كيف ينجح لعبة غبية تجريها معرفة رد فعلها ، فاذا كان رد فعلها كذا ستكون مشاعرها كذا ، الناس مختلفة في ردود افعالها


الالعاب الغبية : اثارة الغيرة - التقل البعد - الكثير من الالعاب الغبية التي ينصحوك بها لجعل العلاقة اكثر سخونة او حتي لتحريك المياه الراكدة


لا احد يشبه رد فعله رد فعل احد اخر ، البعض تفلح معه الحيلة ، قد يغير و قد لا يعنيه من الامر شيئا ، ثقة بالنفس اعتدادبالذات ، حيلة الكرف ( اكرفيه ) تفيه ، كلما كرفتيه كلما زاد التصاقه بك ، الناس مختلفون البعض من يحبون حقا ، يتوجعوا من ذلك سيتركك و يمشي لن يذهب خلفك ، من سيسعي خلفك من اعتبرك تحدي و اما انه يسعي لاذلالك و اما انه يسعي لان ينال قلبك ثم يتركك ، يسعي ليؤذيك وحتى لو تم الامر فانه يتمه و سرعان ما يكتشف ما صنعه بنفسه و يتملل و يصيبك الدهشة كان يجري خلفي ( حفي من اجلي سف تراب الشارع ليصل لي ) ما الذي غيره ، غباء عاطفي


البعض يفضل الانسحاب بهدوء ، لا يريد ان يجرحك او يرد جرحك له ، فقط ينسحب ، قد يظن نفسهخ اعلي من هذه الحيل الغبية ، او قد يكون مجرد معتد بنفسه ، قد يكون مؤمن انك تستحقين ، و لكنه لا يرغب في ممارسة تلك اللعبة الغبية ।


الناس ليس متشابهين و بالتالي ردود افعالهم مختلفة ، ليس شرطا لانه لم يحاول اكثر او انه لم يعد المحاولة او انه انسحب انه لا يريدك ، من الممكن انه فقط يريد الا يلعب تلك اللعبة الغبية


اترك نفسك / اتركي نفسك لمشاعركما ، لا تأخذ نصيحة من احد ، فقط تتبع مشاعرك و افعل ما تشعر به ، كن وليد اللحظة و ، التوافق سيحدث وحده ، ذلك التيار الكهرومغنطيس الذي يسري بينكم سيدلكم علي الطريق ، سيمشي بكم ، قد يخفت و قد يقوى و لكنه سيستمر في السريان


لا قواعد في الحب ، اسقطوا كل الكتب الكاذبة ، و كل القواعد المتوارثة ، اتركوا انفسكم لقلوبكم و هي سترشدكم ، العلاقات الجميلة لا تحتاج للحيل و الالعاب الغبية فقط انطلقوا

الثلاثاء، 24 أبريل 2012

مقاطعة

اذكر عندما اخذت قرار المقاطعة ضدك ، الغيت رقمك من هاتفي حتى امنع نفسي من الاتصال بك ، و قررت الا اشتاق اليك ، قررت ان اتوقف عن الحلم بك ، توقفت عن النوم اسبوع او هكذا ازعم ، شربت العديد من جرادل القهوة ، اسبرسو ، و لكن غفوات قليلة تغلبت علي و فيها رأيتك ، اللعنة علي النوم ، و في النهاية سقطت نائما ، و في الحلم حلقت معك ، اخبرتني بكل الاشياء التي لم تنطقي بها في الواقع ، و رأيتك مصادفة هناك ، فحولت طريقي حتى لا يصطدم وجهي بوجهك و تسئليني عن الحلم ، مررت بكل الاماكن التي تزوريهخا و انت غير موجودة بها ، ليس لاراك صدفة ، فقط لاتشمم دفئك ، اعرف مكان جلوسك ، بالرغم من تغيره كل مرة ، لم تردادي هذا المكان لمدة طويلة ، انفاسك لا تحوم فيه ، اشعر بك علي مسافة ساعة ، الملم اوراقي و انصرف ، صديقتك رأتني امر ، ذهبت و القيت التحية ، تتهمني بالبحث عنك ، انكرت تماما :) ، انا ابحث عن اثرك فقط ، و اهرب منك ، انا لا استطيع الشف5اء منك بك ، فابحث عن الشفاء في اثر رائحتك ،
قرار المقاطعة ، يحيني بعد ان يقتلني ، اتعاطي السم لاشفى ، لن انساك بل ستظلي في قلبي ، و لكني سأنكر وجودك كالعادة ، بالامس لم امر بك ، اعرف ديارك و اهرب منها ، اعرف مصدر رؤيتنا الاولي و لا اريد اخبارك به ، هناااك ، من اخبرك بكينونتك ، من رأى داخلك دون ان يعرفك ، اذاع سر روحك علي العلن و لم تكن تعرفي ، كنت تلك المختلفة في وسط الزهور ، و لم تدركي وقتها من انت ، انت شجرة وارفة الظلال ، انت انت ، اخبرتك و سيرتي في طريقي و لم اعي تأثير كلماتي ، كنت مار بالصدفة لا اعرفك ولاتعرفيني كنت انت في الوسط ، وزميلاتك حولك ، مررت و انت في اخر المجموعة و اخبرتك
انكروا علي ذلك ، ولكني اصررت ، لن اخبرك بالمصادر الاولي لرؤيانا ، لخطيئتنا الاولي ، لن اخبرك بمروررنا سويا عبر العصور و اعادة حيالتنا ، لن ىاخبرك في عصر ارتبطنا و نجحنا و في اي عصر انفصلنا ، و في اي زمن هوينا و التقينا ، و متي الرجوع ، لن اخبرك لما المقاطعة ، لان ديانتي القديمة التي منحتني سر العصور تشترط علي ابقيك في اغمائتك العصرية ، انك ستصلي للخلود بنفسك ، شرط الوصول ، ان ادعك تحلقين بنفسك ،
ان لم تحلقيس في هذه الحياة ، ستحلقي في حياة اخري ، ستبعثين هناك ، اجمل حياة لك عندما كنت قطة ، تذكرين ذلك ولا تصدقيه ، هناك كنت تتقافزين براحتك و لا لايلوم عليك احد ، تلك الحياة التي نعطي فيها سبعة ارواح في حياة واحدة ، كنت مستمتعة بكل روح لاخر قطرة فيها ، الارواح المتعددة من النادر ان تأتي بالتلازم بل تأتي متتابعة ، فقط من يصل لاسرار الديانة من يمنح روحين في وقت واحد ، و كلما وصل كلما زادت ارواحه ،
انظري الالن من الشرفة هناك ... ارمي بنظرك اكثر ليس بعد البعد ، قبله بقليل ، انا اقف هناك و ارفع ذراعي لاعلي
:)
http://www.youtube.com/watch?feature=endscreen&NR=1&v=sdNzjhvsNdk

ثقافة التحرش

في هوجة الكتابة عن التحرش و الافتاء بدون وجه علم قررت اني افتى انا كمان ( هيه جت عليا يعني ) ، اعترفات متحرش ، انا متحرش ، هكذا يكون التحرش ، مذكرات متحرش ، و اشياء من هذا القبيل ستجدها مكتوبة في عدة اتجاهات ، لن اسئل عن الدافع عن اعادة بث افكار حول التحرش ، لانه موجود فعلا و لا عن التوقيت ، لانه حتى لو كان صالح لتشتيت الانتباه فهو يستحق ، و لن ابحث عن الدفع بالبوح لخبرات تحرشية من الجنسين فاعل او مفعول به ، و اسبابه ففي كل الحالات يفيد في البحث و الكشف المؤدي بالتأكيد للعمل لوصول حلول ، الكشف في نفسه يؤدي للراحة و خطوة مهمة في العلاج ، و لكن هل المتحرش سيسمع و يعي كل ما يثار ، هل المتحرش يدرك انه متحرش و يدرك ان ما يفعله تحرش ।
تسود ثقافة ( حلاوتك يا فايزة لما تبقي عايزة ) ان البنات اصلا بتنزل عشان تتعاكس ، تتعاكس ، هل المعاكسة تحرش ، ما الفارق بين الغزل و التحرش ، و لما كان في الشعر غزل عفيف و غزل صريح ،
سؤال لنفسي هو انا متحرش ؟؟؟؟
في البحث عن اجابة لنفسي ، كان نفسي قول و الله يا جماعة ، ده البنات بتشتكي مني اني مؤدب بزيادة ، كذااااااااااب ، ايوه كذاب
هو مش حصل مرة و بصيت بشكل فج و معيب و يضايق علي واحدة جامدة ، ( بصيت ) هو بصيت دي تحرش ، اه تحرش ،
مش فيه حديث عن الزنا فيه النظر كمان يا حبيب ماما و لا ايه ।
ملتزم ... ملتزم... يعني و احاديث و اشياء من هذا القبيل ، انا الكلام عن النظر بس هنا امال مفيش لمس مفيش هذا و لا ذاك ... ;)
لا يا عم ...، احنا هنكذب
ليس بكذب ، مفخمة و بالبنط العريض ،
ليييييه
عشااااان في مفهومي بفرق بين التحرش و الغزل بصراحة لما بشوف حاجة حلوة مش بعرف امسك  نفسي مش بقل ادبي و الله ، بس غالبا بقول .. بتكلم .. بيطلع مني حاجات كده ، و غالبا اهو مش دايما ، بسمع كلمة شكر منها ، اي منها و خلاص ، و لو حسيت انها اضايقت بعتذر ، انت عبيط ياله ، اه بعتذر ، بس ساعتها بتستغرب هيه اوي ،
المشكلة اني مش مقتنع اني ممكن اكون متحرش ، هو ابقي متحرش ازاي ، انا في قناعتي اني معملش حاجة غصب ، يعني وجود قبول ( صريح ) من الطرف الاخر شرط اساسي في علاقاتي ، بقول صريح و ليس ضمني ، القبول
القبول : هو ده اللي يخلي اللي الواحد بيعمله مش تحرش ، ان الطرف التاني يكون قابل اللي بيحصل
القبول : من هنا بقي ان المتحرش بيفترض ان فايزة دايما عايزة فاكيد هيعجبها التحرش مش هتضايق منه ده احتمال
الاحتمال التاني : فيه متحرش همه الاساسي انه يأذيها او يضايقها و يحسسها بضآلتها حد سيكوباتي يعني و غالبا بيكون واد ناقص مش متحقق ، و بيمارس التحرش ضد بنت شايف انها مش من طبقته، اعلي منه ، حاسس ناحيتها بالنقص او انها احسن منه ، ده احتمال
بس افتراض القبول الضمني ده مسيطر علي تفكيري اكتر ، يعني ازاي حد يفتكر ان فايزة عايزة في المطلق ، جاب منين انها عايزة ،
التبريرات اللي دايما هنسمعها و بنسمعها ، شوف هيه لابسه ازاي ده اعلان ضمني عن انها عايزه ، احي و انت مال امك هيه لابسة ازاي ، امال المنتقبة اللي انت اتحرشت بيها دي ايه ، يرد و يقولك : اصل العباية يا برنس بتبقي اشد من البنطلون بتروح و تيجي كده مع الهوا و بتعمل شغل و بتبقي ناعمة اصلها بتيقي حرير و بتشف و بترف كده ، هتلاقي نفسك بتسبله الدين من غير ما تحس
بردو بيلعب في دماغي هو ليه مش بنعتبر فيه تحرش من البنت ناحية الولد ، لان مفيش ولد في ام ثقافتنا الذكورية هيقول لواحدة لا الا لو مش عاجباه او لوازع اخر( سبب في نفسه ) ، لانه فعلا في قبول من الولد
يبقي الاحتمال التاني ، هيه ليه البنات متتحرش بالولاد بدافع سيكوباتي بحت ، انها تقلل من قيمته ، هتعمله ايه يعني ،،، امممممممممم
مثلا تخليه ماشي و ترزعه علي قفاه و تطلع تجري ، او تعمله حركة صبيانية في خلفيته و بردو تطلع تجري ، لا و تجري ليه تفضل واقفة و تبصله بتحدي و لو راجل يرد و تقله هفضحك و قول عليك واد شوشو و بتتبلي عليا ، ما اهو لو انت محترم متقولش اني عملتلك حاجات وحشة و عيب .
او تعمل اللي هيه عاوزاه
صحيح ثقافة البت دي بتتبلي عليه ، لما واحدة تروح القسم و تقول انه حصلي تحرش ، الثقافة السايدة انها بنت مش تمام سيكو سيكو يعني ، ثقافة التحرش لان دايما في الاقسام ، بيحصل ده ، الفرضية دي حقيقية عندهم بشكل كبير ، لانه في الصراعات و الخناقات و خلافه في الشوارع و اللي بتوصل للاقسام ، بيتم دفع واحدة مش تمام ، علي حد تمام تتبلي عليه و تقول عليه كده ، و مع تراكم الاحداث المماثلة سادت ثقافة ان اللي بتعمل كده ( تروح القسم يعني و تبلغ ) هيه واحدة سيكو سيكو ، هو غالبا النبتجية بتاعة القسم بتبقي عارفة اللي بيعملوا كده في النطاق الجغرافي للقسم ، بس اللي بره النطاق هيعرفوه منين ।
لو الظابط حس انها محترمة و بنت ناس بينصحها انها متعملش محضر عشان الفضايح و خلافه و انه عارف انها بنت ناس بس المجتمع ابن وسخة ما بيرحمش ..
فضااااايح ،،، ثقافة الفضيحة ، هتفضحي نفسك يا شابة يا خبر ابيض ، البنت اللي اتعمل فيها هيه المجني عليه ، ظلم المجني عليه ، ان المجني عليه يحمل من الفضائح و العار اكثر من الجاني ، في كل القضايا المتعلقة بالجسد بالجنس ، يصبح الجاني فخور بفعله ، بجد ، حتى لو لاقي العقوبة و الحبس و خلافه ستجده ينظر بعين قوية في عين ضحيته ، بينما الضحية يطئ راسه امامه ، بالبلدي كاسر عنيها ، خدها غصب ।
بلا اسود ، التحرش مش بس محتاج حملة ، محتاج اعادة تربية ، مش بس صدمة زي موضوع فتاة العتبة في بداية التسعينات ، او حملة قطع ايدك او خلافه ، محتاج اعادة تفكيك و ربط للادمغة الوسخة في المجتمع الطاهر ده طاااااااااهر و النعمة طاهر ، ما هو مش مقتنع اللي بيحصل ده تحرش ، و بيتغاضي النظر ما دام بعيد عنه ،( فيه مثل عيب المفروض اقوله اللي هو مدام بعيد عن ... يبقي خلاص ) بس الموضوع بجد مستفز و المستفز اكتر الناشطات الفيمينست ، اللي الوخدين الموضوع علي صدرهم و بيتاجرو بيه ، الموضوع مش قضية تحرر فكري و استغلال للجسد و التحول لاستغلال القضية للتحول لبنات تهدد ولاد بقضية تحرش او خلافه ، الموضوع مش قوانين تتسن او ناس تتحبس ، الموضوع كبييير ، الموضوع ممارسة ، تربية ، ناس بحقيقي مقتنعة حقيقي باللي بتعمله ।
فكرة اختك و امك لما تتعرض للتحرش هتعمل ايه ، هترضاه علي امك هترضاه علي اختك ، هترضاه علي مراتك علي بنتك
هيه الناس نحست للدرجة دي الناس مبقاش فيه نخوة ((( نخوة ))) الكلمة دي غريبة زي (( كرامة )) و الكلام القديم ده ، هو احنا بقينا زبالة اوي كده ، هو الكشف علاج لوحده ، التبصير بالمشكلة اقصد علاج ، طب ايه الحل ،
نربي اولادنا
ايه الحل فكروا معايا

الخميس، 19 أبريل 2012

هاجس البحث عن السعادة

كان يشغلني كثيرا البحث عن السعادة ، و في طريقي كنت اجرب الاشياء التى اظنها ستسعدني ، و لكني لم احقق السعادة ، اجرب شئ ما يسعدني ركوب دراجة ، نكوص و ممارسة كل الالعاب التي مارستها صغيرا ، المقالب التي لا تنتهي ، ركوب ارجوحة في ميدان عام ، و علي الرغم من نجاحي من جعلها تدور حول نفسها بالمقارنة وانا صغير لم اكن استطيع ان اعوم بها ، كنت اصاحب فتاة تستطيع ان تعوم الارجوحة و احلق معها ، كل الاشياء التي كانت تسعدني لم تعد تكفي لاسعادي ، سيطر علي ان اري سعادة الاخرين ، قمة ال.....، ان تسعد الاخرين لكي تحصل علي سعادتك الخاصة ، كانت لحظات قصيرة وتزول
الرضا ، ان ارضى ،
ذلك الرجل العجوز المفترش لرصيف محطة زقزوقة يبيع سلع تافهة يجلس و امامه حفيده الذي لا يتجاوز عام يلاعبه و قهقهاته تخرق اذني و تلاعب قلبي ، الاثنان يضحكان علي لا شئ ، الضحك يخرج من قلبيهما و يحلق ليغشي الجو و يرقص قلبي فرحا بلا سبب
لا زال ذلك الهاجس يسيطر علي
البحث عن السعادة

ااااه .... لما السنين بتعدى و تسرق منا احلامناااااا



اآآآآآآآآآآه دي تجري ما بتهديش ...تضيع ملامحنا وكلامنا