مالناش غير بعض - وجيه عزيز

الخواااااااااااااءءءءءءءءءءءءءءءءءءءءء

اعاني من حالة من الخواء والفراغ و الزهق وكل ما شابه

I Won't Dance - Frank Sinatra

علي مشارف السنة التلاتين

كلها اقل من شهر ويبقي عندي تلاتين سنة تلاتين سنة هيكونوا مروا عليا بحلوهم ومرهم بأحباطاتهم وانحطاتهم وايامهم الحلوة وتجاربي الغريبة المتنوعة انا وانا علي مشارف التلاتين افرق في ايه وانا عندي خمستاشر سنة اشمعني خمستاشر كنت في الثانوية العامة واعتقد ساعتها اني كنت لسه بهبلي وعبلي من حيث الشكل ماتغيرتش كتير يدوبك السبعات اللي ضربت في راسي وكنت خايف اقرع ومش باينة اوي داقني تقلت شوية تفكيري هو هو مش اوي يعني بس نفس المبادئ والقيم اللي حاولت اغيرها ومعرفتش تخيل نفسك بتحاول تقنع نفسك انك تفوت او تغمض او تعمل زي الناس ما بتعمل مش بس تقنع نفسك لا وتحاول تعمل زي الناس ماهو مش معقول كل الناس دي غلط وانا اللي صح انا كل الحكاية كنت عبيط ومصدق اللي اهلي ربوني عليه بس للاسف انا لسه مصدق الهبل ده اللي رباني عليه اهلي من انا مش حد تاني اينعم بحاول اتغير بس الاقيني برجع تاني كلامي مش مفهوم ده سمة من سماتي اللي مش عارف اغيرها لا وايه بقول ان العيب في المتلفي هو اللي مش قادر يفهم او قدراته الذهنية غير قادرة علي استيعابي مش اقول ان انا اللي مش عارف اوصل كلامي كويس لا مش قادر اقول كده العيب في الاخرون ده اعتراف بعيب فيا علي اساس اني لما بعترف بعيب فيا بحاول اصلحه لان الاعتراف بالخطأ هو اول خطوات تغيره هيتغير امتي معرفش
عامي الثلاثين ياتري هعمل فيه ايه او هعمل ايه قبل ما اتمه حجات كتير كان نفسي اعملها ومعملتهاش ومش عارف ليه معملتهاش حكاية اني عازب مش دايما قلقاني ومش مستعجل ع الجواز بس مشكلتي انا اني بدور ع الحب وعاوز حجات غريبة ومتناقضة في الحب ده توازنات غير متوازنة في علاقتي بمحبوبتي مش هقول اني ممرتش بتجارب قبل كده بس كانت حاجات اقل من الحب اللي في دماغي العملية مش مجرد اعجاب العملية حاجة كده زي ماتقول كلي معاها مش توحد واختلاف ومفاهيم مشتركة وتكامل وتوازن والحجات دي لا مشااااااعر
احاسيييييس
تلاتين سنة هو انا زي ما انا ولا اتغيرت اكيد اتغيرت بس النتايج مش عجباني الثورة مبقتش جزء مني العصبية قلت من تصرفاتي بقيت حد بارد وبقيت بقبل بحجات عمري ما كنت بقبل بيها كنت قبل كده بقول يلعن ابو الشغل اللي يكسر نفس الواحد دلوقتي بستحمل حجات من بني ادمين عمي ماكنت اقدر استحملها حجات لو اتقالتي او اتعملت معايا من خمس سنين بس مش من خمستاشر سنة كنت اديت اللي بيوجهالي في وشه او ضربته او حته سبت الشغل ومشيت بجد انا تغيرت وشايف اني اتغيرت للاوحش تخيل او تخيلي انا قدمت في وظيفة سنة الفين واتسئلت في المقابلة لو مديرك طلب منك تعمل حاجة غلط تعملها ولا متعملهاش سنة الفين انا قولت لا معملهاش انا مقبلش اعمل الغلط وبالطبع اترفضت سنة الفين وسبعة اقدمت لنفس الوظفية واتسئلت نفس السؤال وجوبت طبعا اعملها سئلني ليه قولت بكل اقتناع ان مديري اكيد عنده معلومات مش عندي والحاجات اللي ممكن اكون شايفها غلط ممكن تكون هي الصح بس انا المعلومات اللي عندي ناقصة فعشان كده شوفتها غلط وبالاحري اني اسمع كلام المدير سواء صح او غلط لان ده من مستلزمات القيادة والتبعية
الراجل نفسه اللي سئلني السؤال فغر فاه اكيد هو مكنش فاهم اللي انا قولته بس اكيد انا اشتغلت وانا في البار تايم لما اشتغلت بجد واجتهدت ما اتثبتش ولكن لما ما اشتغلتش وعرصت اتثبت بجد في مصر كن انت اعين المدير واذنه ولا تعمل فتحوذ علي الرضي السامي او غض بصرك عن سرقات اللي حواليك وتلاعبهم وانت تبقي تمام في الشغل هتعمل محترم ومتربي وناس بتاعة ربنا هيزقوق من الشغل ده اذا ملبسوكش بلوة من بلاويهم ويشيلهلك وهما الشرفا بجد ثقافة مصر عهاليا بس المشكلة مبعرفش اعرص مبعرفش ابقي عين حد تاني ولا ودان حد تاني غير نفسي وكمان مبعرفش اغض بصري حاولت بس بجد مش قادر مبعرفش اعمل كده محدش عنده حبوب تخليني كده
تلاتين سنة وانا لسه كده ومش كده يعني ببص للامور بحيادية عشان اقدر احكم عليها هو الحيادية دي موقف يعني ايه عاجبني من ايدلوجيات اليسار مفاهيم زي العدالة الاجتماعية وفي نس الوقت عاجبني الحريات الشخصية يعني ايه بنكر تسلط الدولة وفنفس الوقت بأيد تدخلاتها مش عارف ليه انا كونت مفاهيم خاصة بيا ناس كتير ممكن تشوفها متناقضة بس انا كده يعني بشوف ان المرأة اللي بتنادي بحقوقها لازم تاخد مسئوليات قصاد الحقوق مش عاوزة مسئوليات يبقي بلاش منها الحقوق المرتبطة بالمسئوليات دي شايف اني احترم المرأة اللي عاوزة تتستت زي ما بحترم الفمينست المسترجلة وشايف انهم هما الاتنين لازم يحترموا بعض و اختيراتهم في الحياة وشايف ان الاتنين صح دي بتستريح كده ودي مبسوطة كده شايف ان اللي شايفة من حقها تلبس بحرية بحيث يبان اكتر ماللي بيتغطي انها تستحمل النظرات اللي بتبس علي العريان ومتضايش منها مش واحدة تقول غض بصرك يا اخي انا عن نفسي مش هغض بصري ما دام انتي اللي عريتي نفسك لانك كده عملتيلي دعوة عشان اتفرج ولازم اتفرج
ليه دايما عاوز اكيف الامور علي مزاجي اخد من ده اللي يعجبني واخد من ناحية تانية اللي يعجبني ليه مبخدش الامور كلها كده علي بعضيها حلوها علي مرها
تلاتين سنة وانا مش زي ما انا
ياتري حققت اهدافي
هو انا كان ليا اهداف اصلا انا كده عايش وخلاص عايش عشان اعيش معايا معييش مبتفرقش معايا صحيح كتير بحلم بس بقرص نفسي ومكيف نفسي علي كده يعني اللي معايا بصرفه كله مثلا لو معايا كتير ورايح مكان ممكن اركب تاكس لو اقل شوية ميكروباص اقل خالص اتوبيس مفيشس خالص اخدها ماشي اقل من المفيش استخبي في البيت عشان محدش يقولي هات اللي عليك مع ان عمري مكان عليا حاجة طب ايه هي اهدافي بعد التلاتين
اكيد عربية عشان الجزم بقت تتخرم من المشي والعربية هتطول عمر الجزمة الجديدة :)
اكيد شركة جديدة ابقي انا صاحبها مش شغال فيها
ويا سلام لو مكتب محامي كبير عليه اسمي وزباين بالعرض داخلة خارجة
موزة حلوة احبها بجد وتحبني اكيد هجوز بس الحب عندي اهم
اه اسف لكل واحدة شافت الحب في عنيا وبعدين اختفي اسف لكل واحدة استنت اني اقولها ومقولتش اسف لنفسي عشان انا كده ومش عارف اتغير
اه السياسة
لعبت شوية سياسة وقررت اني ابطل وقرار اني العب سياسة انا مش ندمان عليه وقرار اني ابطل قرار انا فرحان بيه وقرار اني برده مش هلعب سياسة تاني قرار انا قده وهفضل عليه يعني بعد التلاتين مش هشتغل سياسة بعد الاربعين مش هشتغل سياسة خلاص الميت مات ومش هيصحي تاني مش زي ما قال فلان السياسة زي الدودة في تيز الخوللا يقدر يبطلها ولا هي هتبطل تاكله

هلوسة كهربائية

هلوسة كهربائية
ما زالت تنتابني بعض الآلام في صدري نتشات خفيفة في اليسار من الأمام أحيانا ومن الخلف عندها اشعر وكان قلبي خطف أو نزع مني لا اعرف سبب هذه الآلام التي تنتابني علي فترات متفرقة والكشف عند الطبيب أفاد بعدم وجود شيء وإنها مجرد نزلة برد ولكني أدرك تماما إنها تشبه بشكل مصغر الألم الزاعق عندما صعقت بالكهرباء هذا الألم الذي خففه الرب عني عندما أصابتني حالة إغماء حتى محاولات إفاقتي بالمياه لإعادة صعقي أتذكرها وكأنها حلم أو كابوس عابر لم تبق من هذه التجربة سوي الألم في صدري هذا الألم الجسدي الذي يعني لا شيء بجوار الألم الذي انتابني من مزايدة الأصدقاء علي كانت التجربة مريرة خرجت منها كافر بكل المعاني الجميلة أدركت أن السياسة لعبة بلا قواعد تحكمها لعبة لا يسيرها سوي إرادة من يمتلك القوة
تجربة الخطف والتعذيب لا تمثل أي الم فمن يرغب بالخوخ يرض بشرابه حتى تعاطف الأيدي الخاطفة فهي ليست إلا آلات تنفذ رغبات قيادات مذعورة صرحت لي وأنا مكتوف وعصابة عيني يعاد الشد عليها وأثناء وقع خطواتها وكأنها تلتف حول شئ ما أو إنها مضطربة وصوت الجلد المكسي به كرسي ما وكأنه يريح جسده فقد أتعبه تعذيبي وتنهد قائلا : أنا هديلك فرصة قليل اللي بياخدها وده لأني مستخسرك في اللي أنت فيه أنا هعتبر كل اللي فات مجرد غلطه بس عشان تتمسح الغلطة دي لازم تعمل شغل معايا عشان نمسحها وده الخيار الأول وياما تبطل سياسة خالص وتقعد في بيتكم ولو مكنش كده يتبقي الخيار اللي في أيدي أنا وهو إني أحبسك دلوقتي ومتطلعش تاني .... فاهم يابني
- ايوه فاهم . . اه . . اهانا اخترت خلاص . . . هبطل سياسة
- علي طول كده مش تفكر الاول وتاخد فرصتك
- مش محتاجة انا فكرت خلاص وده اختياري
- خلاص براحتك بس الفرصة دي مش هتجيلك تاني انك تشتغل معايا كتير من أصحابك يسعوا لها ومش عارفين براحتك انت الخسران . . خدوه دلوقتي وروحوه اخر النهار
اشعر بشخص يجذبني من يداي المكبلتين من الخلف ويدفعني لا سير في اتجاه ما ويوقفني لحظة ثم يستمر بدفعي ويرتطم كتفي بشئ اظنه باب ادلف منه هل كان هذا الشخص متواجد من السابق ولم اشعر به ام ... فجاة اصبح الظلام اكثر عتمه هل ادخلوني مكان مظلم ام اغشي علي فلم اعد افرق بين الجرجرة والحمل
لا اعرف لماذا اتذكر كل هذا وهل فعلا اتذكره ام اتخيله هل حدث ذلك ام انه مجرد كابوس ام ان الالم عاودني عندما اخبرني صاحب العمل الذي التحقت به منذ اسبوعين بانه استغني عن خدماتي وطلب اعفائه من ذكر الاسباب فجاة وبدون مقدمات كيف تحول اعجابه بعملي ومجهودي الي الاستغناء عني هل الالم في صدري يحاول ان يخبرني برسالة ما هل هذا نتيجة اختياري السابق
اري زميل

شعبي يقول عليا ايه متواطئ معاكم

العنوان هو اقباس مما جري علي لسان أحمد ذكي في فيلم ايام السادات وقفز الي ذهني اثناء التفكير في المزايدات التي تجري علي دور مصر الأن في أحداث غزة وكيف تناول هذا المشهد الالعاب السياسية القذرة التي تقوم بها اسرائيل دبلوماسيا لكي تخرج فائزة ونجحت لعبت الدبلوماسية الاسرائيلية في تحويل العرب الي الاتهامات المتبادلة متشحين بالحنجورية المزمنة المصابين بها منذ الازل بدلا من البحث عن الحلول ووقع الاعلام العربي في الفخ و وقعت الدبلوماسية المصرية في الفخ الدبلوماسي الاسرائيلي مصر التي كرثت اللعب الدبلوماسي والفخاخ العميقة للضغط علي اسرائيل سقط منها اللعب والتفهم لما يحدث فانبرت الحكومة المصرية لتغسل سمعتها من جراء اللعبة القذرة التي لطختها واستعانت بعناصر ليست فوق مستوي الشبهات لتقوم بعملية الغسيل ونسيت ان تشرح للجماهير الالعاب الدبلوماسية او لا ترغب في ذلك حتي لا تكشف وسيلة ضغطها علي اسرائيل فبسلاحها استخدم ضدها
وعادة ما يحدث الاتي فمن المتوقع ان تستدعي مصر احتياطي الجيش المصري وتضعه تحت اهبة الاستعداد
ولكن هل يقتنع احد بعد ان تمت هذه اللعبة عدت مرات ونذكر الاجتماع المصري السعودي السوري الذي رسى علي مفيش
اصبحت الالعاب الدبلوماسية مكشوفة ولا يغتر بها سوي الشعب العربي والاعلام العربي الغر فصدق تمثيلية لفني لايقاع العرب في مصر ونسي دورها وهذا ليس بتبرير
ولكنه رؤية لما حدث فكفوا افواهكم النتنة عن مصر فرائحة افواهكم يفوح منها الخبث النتن بحثا عن مكاسب علي حساب ام الدنيا

تحرش جنسي

أفكار حول التحرش الجنسي في مصر
هناك حالة من النقاش العام حول ظاهرة التحرش الجنسي في مصر وذلك بعد تسجيل مجموعة من المدونين لهذه الظاهرة بمختلف الوسائل التقنية ونشر هذه التسجيلات علي الانترنت مما صد الأبواب في وجه من ينكروها وكان من تسجيلاتهم يتضح أن حالة التحرش الجنسي الجماعي الصادرة من مجموعات غير متجانسة من الشباب الذكور ضد أي أنثى دون تمييز في الشارع دون مداراة أو حتى افتعال أسباب مما يشير إلي أن الظاهرة مختلفة عن الموضوعات المدروسة في الأطر الاجتماعية فهذه الظاهرة الجديدة هي تطور لمفاهيم التحرش السابقة التي كانت تقتصر علي حالات فردية وليس تحرش جماعي دون تمييز
فيتضح لنا عناصر مميزة لهذه الظاهرة والتي تجعلها جديدة
أن الفاعل هنا مجموعات وليس فرد أو أفراد
ارتكاب أفعال جنسية سواء بالفظ أو اللمس أو أكثر دون تمييز
ضد أي أنثي دون تمييز
في الطريق العام
ويكون الحدث مواكبا لفترة الأعياد أو المواسم
ويكون مواكبا للتزاحم علي أماكن اللهو أو قضاء وقت العيد مثل السينمات والملاهي والحدائق العامة
(فاعل – فعل – مفعول به – زمان – مكان )
ويرجع الناس بذاكرتهم الحديثة حول بداية الظاهرة فيربطون بينها وبين ظاهرة التحرش الجنسي في الأتوبيسات العامة في سبعينات القرن العشرين حيث كان الازدحام الشديد الناتج عن زيادة السكان في ظل ثبات الخدمات وعدم زيادتها فكانت التشبيهات لوسائل النقل العام أنها مثل علبة السردين او البلوبيف ليعبر اللفظ عن التصاق الأجساد والتحامها وهناك قصيدة شهيرة للتعبير عن هذه الظاهرة وهي قصيدة ع المحطة للشاعر أحمد فؤاد نجم
وفي ظل وجود سبب تتغيب فيه الإرادة وتنتفي أو تضيع بين طرفيها لتصل إلي أن حلها في موصلات أخري أو سيارة اجري تاكسي أو المترو نجد أن الظاهرة كادت أن تختفي بزوال أسبابها أو سببها الأساسي وهو وسيلة النقل العام المزدحمة
والبعض كان يرجع هذه الظاهرة في السبعينات إلي الجرأة الشديدة التي كانت السمة المميزة للسيدات هذه الفترة وسيادة الأفكار التقدمية مثل حرية الجسد والمساواة في حق المبادرة للمرأة في مقابل تشتت المجتمع حول تقبل هذه المفاهيم أو الرجوع لأخلاق القرية وقيمها فكانت فترة تصارع فيها القيم الاجتماعية كانعكاس لصراع الأيدلوجيات الساسة في مصر كل يحاول أن يجعل مرجعياته اتجاه سائد
ولكن الظاهرة التي انكشفت في 2007 مختلفة عن الظاهرة السبعينية و لا يجود تشابه سوي في الفعل الجنسي فقط فالظاهرة الجديدة لها مظاهر خطيرة مثل عدم التميز و غياب الإرادة للطرف المفعول به
لذا لمحاولة علاج هذه الظاهرة اجتماعيا وليس امنيا يجب البحث عن أسبابها وقبل معرفة أسبابها يجب أن نعرفها فما هو الذي يعد تحرش وما الذي يعد مجرد مغازلة مقبولة وما الحد الفاصل بين التحرش والمغازلة وما الفارق بين التحرش وانتهاك الحرمات أو الاغتصاب أو خلافه
( تعريف التحرش الجنسي – مظاهره – أنواعه – تمييزه عن غيره – أسبابه – العلاج ).
تعريفي للتحرش الجنسي :
هو فعل جنسي خادش للحياء يصدر من شخص ضد شخص أخر دون إرادة من الموجه إليه الفعل
عناصر التحرش الجنسي
الفعل الجنسي الخادش للحياء سواء باللفظ أو بالفعل
صادر الفعل من طرف أول فاعل بإرادته المنفردة دون تشجيع من الطرف الثاني
صادر ضد طرف أخر دون أراده منه وقد تصاحبه المفاجأة حتى لا يستطيع اخذ مبادرة بالاحتراز من فعل الطرف الأول
عدم رضا الطرف المفعول به سواء قبل الفعل أو بعده
مظاهر التحرش الجنسي
تحرش جنسي بالفظ : مثل إصدار أقوال فاحشة أو ألفاظ تدعوا لممارسة الفحشاء أو ألفاظ واصفة بطريقة مبتذلة ومسيئة لأعضاء جنسية للطرف المفعول به
تحرش جنسي باللمس : مثل الاحتكاك الجسدي والمداعبة الجنسية بالمس باستخدام اليد او الجسم كله ضد أماكن حساسة وجنسية بالطرف المرتكب ضده الفعل
تمييز التحرش الجنسي عن غيره :
التحرش الجنسي والاغتصاب:
التحرش يقتصر علي مجموعة من الأفعال والأقوال دون ممارسة الفعل الكامل أو محاولة المواقعة فهما يتفقان في الإرادة المنفردة للفاعل وغياب إرادة المرتكب ضده الفعل الإكراه المفاجأة التغييب
التحرش الجنسي والمغازلة:
أهم فارق بينهم هو وجود إرادتين متماثلتين فقد تكون اصدر الطرف الأخر مؤشرات تعطي الانطباع بالرغبة في المغازلة أو يصدر منه ما يعني قبوله لما صدر ضده من أفعال
وغالبا ما تختفي عن المغازلة الحس الجنسي ودائما تكون عن تمييز لشخص محدد
القبول التمييز المؤشرات
أسباب الظاهرة
الكبت الجنسي هو المتهم الرئيسي في ظاهرة التحرش الجنسي ولكن ما هو مفجر هذا الكبت الجنسي انتشار الأفلام الإباحية وسهولة الحصول عليها في ظل التطور التكنولوجي سواء بتبادلها علي التلفون المحمول أو الحصول عليها من مواقع الانترنت دون فرصة تفريغ للشحنات الجنسية الناتجة عن الإثارة من رؤية الأفلام الإباحية وان الظاهرة يغلب عليها الشباب صغير السن تحت سن 18 عام فغياب مقومات الضمير والتحكم في النفس
( أسباب فردية للفاعل والمفعول - أسباب مجتمعية )
أسباب مجتمعية
التناقض الثقافي في المجتمع المصري
سيادة الشعور بنقص اللذة والسعادة في الحياة مما يدفع إلي الجنس كمصدر للذة والسعادة
الإعلام المفتوح وتأثر به مثل القنوات الفضائية الخارجة والإباحية ورغبة المراهقين في التجربة والتقليد دون أي توجيه
الصحبة السيئة ونقل الخبرات الغير صحيحة في ظل غياب التوجيه الأسري
تناقض المعايير المجتمعية والمبادئ والقيم وسيادة قيم أعلاء الرغبة وفعل ما أريده بغض النظر عن الآخرين المهم اعمل اللي أنا عاوزه
تأخر سن الجواز و كثرة وجود نماذج للمتبتلين والعوانس دون زواج ناتجة عن عوامل اقتصادية مما أدي إلي غياب الأمل من خوض تجربة الجنس بسبل شرعية الزواج
سوء الأحوال الاقتصادية في مقابل تجريم البغاء أدي إلي عدم توفر منافذ شرعية مناسبة في ظل رفض مجتمعي للبغاء في العلن وممارسته في السر
استعراض وتقليد الملابس المثيرة إلي حد الاستعراء
العلاج :
كيف يكون علاج مجتمع متناقض دون اللجوء إلي إعلاء القيم الدينية التي تستخدم غالبا بأسلوب خاطئ يؤدي إلي زيادة في الكبت الجنسي
التوجيه الأسري لأولادها وليس الرقابة الصارمة التي تؤدي لنتائج عكسية
تفهم الأبناء واحتوائهم وتوجيه نشاطاتهم إلي اتجاهات مفيدة والعمل اليدوي والأنشطة الرياضية
توجيه الأبناء في فترة الأعياد والمواسم إلي البحث عن اللذة والسعادة في أشياء أخري غير الجنس مثل نشوة الانتصار في الألعاب الرياضية
عدم ربط السعادة واللذة بالجنس
وهذا ليس كل شئ وإنما هو مجرد محاولة وأفكار حول التحرش الجنسي داعيا إلي دراسته بشكل علمي وموسع