ايه ياماااان

كده ولبان
معاك سيجارة
طب ولع
عيل سيس
ايه يعني
واطي واطي
برده ايه ياعني
عمري مدخنت حشيش
مش عيب
عمري ما شربت كاس
مش عيب
امال عايش ليه
مش فاهم
طب بتنام مع نسوان
محصلش
طب غاوي برايز
لا
امال بتقضيها استحلام
ايه ده
امال عايش ليه بتعمل ايه في دنيتك لا خمره ولا كيف ولا نسوان امال بتعمل ايه
تقصد ايه هيه هواياتي
ممكن حاجة زي كده
بحب القراية
اه بتستقرى يعني
لا بحب القراية
طب ما انا بستقرا الجورنال كل يوم الصبح هي دي غية
طب عندك غية تانية مفيش زغليل فوق السطح
بتلعب بلاي استيشن اي حاجة ياجدع
لا بقعد ع النت
ااااه بتقضيها تسعة وتمنين ده انت ليلتك لبن
ايه تسعة وتمنين دي
احي انت متعرفش
خلاص بقي مش عاوز اعرف
ده انت متعة
ايه مان تاخد جوان

علي فكرة احسن من علي سهوة

بصراحة كده انا زهقت من النت
عشان كده بقالي كتير مدخلتش
مش عارف اكتب عن ايه
مش عشان مش لاقي حاجة اكتب فيها ولكن عشان في مواضيع كتيير عاوز اكتب فيهاو اول ماقعد ع النت انسي كل اللي عاوز اكتبه واقعد اقري في حاجات كتير
بصراحة انا انبسطت جدا لما نزلت معرض الكتاب ولقيت عايزة اتجوز وهذه رقصتي انا وارز باللبن لشخصين بقوا مطبوعيين في كتاب
وافتكرت شرقاوي ودار ملامح ودار سوسن وازاي انهم عملوا حاجة وازاي انهم بشغلهم خلوا حاجة زي دار الشروق تقلدهم
بجد انبسطت
كابتن مصر مش احلي من شكلها باظت بالعكس ده بيتباع علي حسه لان شكلها باظت عامل شغل
مكاوي سعيد وتغريدة البجعة يا خبررر ابيض حتة دين رواية بجد مجرمة مع انها الطبعة التانية بس انا ملحتش الاولي واتفجئت لما لقيت حته فيلم عربي قديم فيها لا طول الرواية وانا مبهور واستخسرت الاقي فيها حاجة بيض في النص والحته دي لما تيجي دور عليها هتلاقيها لما يكتشفوا ان البت المعزة بتاعة جنوب شرق اسيا مطلعتش ندلة ونفضت لحبيبها عشان هي عيانة وبتموت ياهههههه بجد الحته دي مكنتش متوقعها لاني طول الرواية وانا مبسوط وفجاة اتبضنت
العمامة والقبعة صنع الله ياخبر ابيض انا شايف انها المفروض تتنقل لقسم التاريخ وانها في قسم الادب غلط كلها عن الحملة الفلسطينية لا اقصد الفرنسية معلش الاحداث الاخيرة ماثرة عليا
لا لا لا لا والله مش شارب ولا مهيس هي المواضيع كده دخلها فبعضيها في دماغي زي عناقيد الغضب لجون شتانبيك
بجد معرض الكتاب السنه دي مش بطال علي فكره ....
احسن من علي سهوة
لا بجد علي فكرة انا بنزل معرض الكتاب شغل بنزل عارض في دار الشروق اولا عشان الفلوس ثانيا عشان اعرف ايه الجديد السنة دي ثالثا بنبسط اوي وانا شايف المشرف ولا مدير مش فاهمين هما بيبيعوا ايه ولا حتي قروه
وافتكر هاشم اللي علي طول بيقرا وقول ميريت دي جامدة عشان هاشم واللي بينشره اينعم هو علي طول مصطبح بس فايق وبيعمل اللي مبيعملهوش اسامي كبيرة
اه كان نفسي اصور العارضين وهما غضبانيين من الفلوس اللي خدجوها من الشروق بعد المعرض وازاي حسيين انهم اضحك عليهم واشتغلوا اربع ايام ببلاش وازاي اتجمهروا قصاد الدار ولما اتقلهم اللي زعلان مينزلش السنة اللي جاية دخل منهم كام واحد وقالوا احنا عاوزين الابلكيشين للانه احنا اللي مش عاوزيين ننزل الشروق مرة تانية
يا خبر ابيض ايه اللي بقوله بجد هي السيجارة اللي في ايدي دي ايه
اه كوكو كيلو باترا معلش نسيت افركها قبل ما اولعها