الأربعاء، 25 يوليو 2007

مفيش قمح


مفيش قمح
يبقي مفيش دقيق
يبقي مفيش عيش
يعني الغلابة مش هتلاقي تاكل
دي مش اشاعة
تعرفوا ان كيلوا الدقيق دلوقتي وصل اثنين جنيه ونص
وان كيس المكرونة الربعمية جرام ابو جنيه بقي بجنيه ونص
وان العيش الفينو غلي
طبعا العيش المدعم زي ماهو ولكن الزحمة زادت في الافران
تعرفوا انه من المتوقع ان يوصل كيلو الدقيق تلاته جنيه
وبعدين تغلي المكرونة والعيش تاني
تعرفوا ان السبب الرئيسي لكده هو ان مفيش قمح
ندرة القمح
القمح اقل من المطلوب
تعرفوا ان السبب الرئيسي ان القمح الامريكي احد بنود المعونة اللي اتخفضت
تعرفوا ان الخبراء بيقولو لو ان القمح مدخلش مصر الي اخرشهر اغسطس هتحصل مجاعة
تعرفوا ان محدش برده هيفتح بقه ويقول انا جعان
تعرفوا ان عمليات استيراد القمح بيشرف عليها اجهزة الامن القومي
تعرفوا ان الموضوع ده من المواضيع السيادية
تعرفوا .... طبعا انتم عارفين بس مطنشين مش كده
امال ساكتين ليه يا مناضلين
تعرفوا ان ده ممكن يكون ضغط من الوليات المتحدة علي مصر
بس ليه
أعلنت الهيئة العامة للسلع التموينية التابعة للحكومة في مصرأنها اشترت 30 ألف طن من القمح الروسي بسعر 125 دولارا للطن تسليم ظهر السفينة من شركة اسمها سيلفرستون للشحن في الايام العشرة الاخيرة من مايو. وسيلفرستون شركة تابعة للشركة الروسية وتتخذ من لندن مقرا لها. ...

طب تعرفوا مصر بتستهلك اد ايه قمح في مدة اد ايه
طب حد يتطوع من الاخوة الصحفيين ويعمل ام تحقيق عن ام الموضوع ده
ولا هو هجس وخلاص يمكن انا مبفهمش
يمكن حد يقولي لا ده مش غلط من الحكومة ده غلط رجال الاعمال اللي بيلعبوا بالحكومة اقصد ..... يوه مهم هما الحكومة هي رجال الاعمال حد ياجماعة يبحث في المةوضوع علي اساس موضوعي ويوضح الامور
اخر خبر عن الموضوع




http://news.filbalad.com/News.asp?NewsID=1053

هناك 4 تعليقات:

غير معرف يقول...

ya bny rayah demagak mahdesh ha yethark ela lo khado aoamr men ely mshaglenhom

nael يقول...

يمكن لان كل الناس عارفة


بس مين مستعد انه يتحرك

saadebaid يقول...

مجهول
يابني انت انا مريح دماجي من زمان اما ان محدش يتحرك الا باوامر دي مش فاهمها ياريت تفهمهاني

saadebaid يقول...

نائل
كل الناس عارفة جايز
بس مش كل الناس حاسة ده اكيد لان مش كل الناس بتتاثر بغلا الاسعار
مين مستعد يتحرك
مش عارف بس اكيد انت منهم
هههههه